in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Babban jami'in MDD ya bukaci a dauki matakan gaggawa na yaki da sauyin yanayi
2018-10-09 10:31:03 cri
Sakatare janar na MDD Antonio Guterres a jiya Litinin ya bukaci a dauki matakan gaggawa na yaki da matsalar sauyin yanayi bayan fitar da rahoton kwamitin kasa da kasa mai kula da matsalar sauyin yanayi (IPCC), rahoton ya nemi a takaita dumamar yanayi zuwa maki 1.5 a ma'aunin Celsius.

Rahoton na IPCC yace, burin da ake da shi na mayar da matakin dumamar yanayin zuwa maki 1.5, maimakon maki 2 da aka bukata a yarjejeniyar sauyin yanayi ta Paris, zai haifar da kyakkyawar makoma ga bil adama da muhallain halittu.

Sanarwar da mista Guterres ya fitar tace, rahoton da kwamitin kwararrun masana kimiyyar sauyin yanayi suka bada tamkar sa kaimi ne ga kasa da kasa. Rahoton ya tabbatar da cewa, sauyin yanayi yana matukar karuwa cikin sauri sama da yadda ake tafiyar da harkokin yau da kullum, kuma lokaci yana cigaba da kurewa, inji sanarwar.

Masanan sun nuna girman banbancin dake tsakanin dumamar yanayi na maki 1.5 da maki 2, yace rabin maki na dumamar yanayi zai iya haifar da gagarumin sauyi ga duniya baki daya.

Maki 2 na dumamar yanayi zai iya haifar da matsanancin zafi da zai iya shafar miliyoyin jama'a, wanda zai iya haddasa gagarumar hasara, da matsalar karanci ruwa a sassan duniya daban daban da ake fama da rashin zaman lafiya, da kara girman matsalar a yankunan masu fama da daskarewar kankara inda za'a iya samun narkewar kankarar a lokacin zafi, sannan za'a iya fuskantar barazanar bacewar wasu nau'ikan kyawawan halittu daga doron kasa, inji mista Guterres. (Ahmad Fagam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China