Rahotanni daga kasar Yemen na cewa, yawan mutanen da suka rasu, sakamakon harin da dakarun Saudiyya ke kaiwa sassan kasar ya kai mutum 52, baya ga wasu 102 da suka jikkata.

Wata sanarwa daga hukumomin lafiyar kasar, wadda kamfanin dillancin labarai na Xinhua ya samu kwafinta ta nuna cewa, ya zuwa ranar Alhamis, hare haren na Saudiyya a yankin Hodeidah mai iyaka da bahar maliya sun haddasa rasuwar mutane 52.

Wuraren da hare haren na baya bayan nan suka shafa, sun hada da harabar asibitin al'umma na al-Thawra, da wata kasufar kifi mai yawan jama'a dake daura da asibitin. (Saminu Alhassan)