Ma'aikatar harkokin wasanni ta kasar Afirka ta Kudu ta sanar wa jakadan kasashe membobin kungiyar BRICS dake kasar Afirka ta Kudu a kwanakin baya cewa, kasar Afirka ta Kudu za ta karbi bakuncin gasar wasannin motsa jiki ta kungiyar BRICS ta shekarar 2018 da za a yi a birnin Johannesburg dake kasar Afirka ta Kudu daga ranar 18 zuwa 22 ga watan Yuli na shekarar 2018.

Za a shafe kwanaki 5 ana yin gasar ta wannan karo, za kuma a fafata ne a wasannin kwallon kafa mata na 'yan kasa da shekaru 17, kwallon raga na maza da mata 'yan kasa da shekaru 21, da kuma kwallon kwando salon Birtaniya mata na 'yan kasa da shekaru 19.

An gudanar da gasar wasannin motsa jiki ta kungiyar BRICS ta shekarar 2017 a birnin Guangzhou na kasar Sin daga ranar 17 zuwa 21 ga watan Yuni na shekarar 2017, inda 'yan wasa kimanin 300 daga kasashen kungiyar BRICS suka halarci gasar. (Zainab)