Kungiyar kwallon kafar Najeriya Super Eagles, ta yi kasa zuwa matsayi na 48, a jerin kasashe mafiya kwarewa a fannin buga kwallo, cikin jadawalin da hukumar FIFA ta fitar a baya bayan, gabanin bude gasar cin kofin duniya da ake daf da farawa a Rasha. Najeriyar ta kuma sauka zuwa matsayi na 7 a nahiyar Afirka a jadawalin na FIFA.
Kafin hakan Super Eagles na matsayi na 47 a duniya, da kuma na 6 a Afirka cikin jadawalin da FIFAr ta fitar a watannin Afrilu da Mayun wannan shekara.
Bayanai daga shafin yanar gizo na hukumar ta FIFA ya nuna cewa, hukumar ta kai ga fidda sakamakon karshe na matsayin kungiyoyin kasashen ne, bisa rawar da suka taka a wasannin su na sada zumunta.
Czech Republic ta doke Super Eagles ta Najeriya da ci daya da nema, a wasan sada zumunta da suka buga a ranar Laraba.(Ahmad Fagam)
