in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Najeriya tana cigaba da yakar ayyukan ta'addanci ta hanyar sabbin dabarun amfani da alburusai
2018-05-18 10:29:05 cri
Dakarun tsaron Najeriya suna amfani da sabbin dabaru daban daban wajen amfani da alburusai don kawar da ayyukan ta'addanci da sauran muggan laifuka a fadin kasar.

Birgediya janar Olufemi Akinjobi, shugaban kwamitin karbar alburusai, ya shedawa 'yan jaridu a Abuja, babban birnin kasar cewa, nau'ikan alburusan da kasar ta karba sun hada da roket, bulet da kuma furojektel.

Akinjobi ya kara da cewa, kwamitin ya kuma karbi kayayyakin wasu motocin aiki a filin jirgin Abuja.

A cewarsa, an kawo alburusan ne daga kasashen da sojojin Najeriyar ke yin hadin gwiwa tare da su, sai dai bai bayyana ainihin kasashen da aka kawo alburusan ba.

Haka zalika, babban hafsan sojojin Najeriya laftanal janar Tukur Buratai, ya bada tabbacin cewa, dakarun Najeriyar zasu cigaba da yin hadin gwiwa da sauran hukumomin tsaro domin kare lafiya da dukiyoyin al'umma da kuma kare ikon yankunan kasar.

Ya bayyana hakan ne bayan wata ganawa da yayi da shugaban Najeriyar Muhammadu Buhari don tattauna yanayin da sojojin kasar da kuma yanayin tsaron kasar ke ciki a halin yanzu.

Ya ce tura bataliyar sojojin da aka yi zuwa yankin Birnin Gwari na jahar Kaduna dake arewacin kasar, yayi dai dai da ka'idojin rundunar sojin kasar.(Ahmad Fagam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China