A yayin taron manema labaru na zaman taron farko na majalisar wakilan jama'ar kasar Sin karo na 13 da aka shirya a yau Alhamis a nan birnin Beijing, ministan harkokin wajen kasar Sin Wang Yi ya bayyana cewa, hadin kai game da shawarar "Ziri daya da hanya daya", ko a fannin tsara shirye-shirye, ko yadda ake gudanar da hakikanan ayyuka, dukkansu an yi su ne a bayyane. Ya ce, babu bangaren da ya fi wani, a maimakon haka bangarori daban daban sun shiga ayyukan bisa zaman daidai wa daida, kuma ba a gudanar da ayyuka a boye ba, a maimakon haka ana gudanar da komai ne a fili, kana kowane bangare ya samu moriya, don haka an samu moriya da nasara tare. (Bilkisu)