Za a kaddamar da taron majalissar wakilan jama'ar kasar Sin ta wannan shekara a ranar 5 ga watan Maris, gami da taron majalissar ba da shawara kan harkokin siyasar kasar a ranar 3 ga watan mai zuwa. Domin share fagen muhimman tarukan 2, a yau Talata ne aka bude wata cibiyar kafofin watsa labarai a birnin Beijing, fadar mulkin kasar Sin, inda za a samar da hidima ga 'yan jaridu na kasar Sin da na kasashen waje, wadanda ke da aniyar rubuta bayanai dangane da tarukan 2 da za su gudana. Haka zalika, a tarukan 2 na wannan shekara, za a kebe wani wuri na musamman domin wakilan jama'ar kasar Sin su bayyana ra'ayoyinsu ga manema labaru.(Bello Wang)