Firaministar Birtaniya Madam Teresa May, ta kira wata liyafa a ranar 21 ga wata cikin fadarta, musamman domin murnar bikin bazara na kasar Sin. Inda ta yi bayanin cewa, ziyarar da ta kai kasar Sin a watan jiya na tare da dimbin nasarori, kana bangarorin Sin da Birtaniya sun kulla yarjeniyoyin ciniki da suka kai kudin Birtaniya Fam biliyan 9. Sa'an nan Madam May ta yi alkawarin ci gaba da kokarin yaukaka huldar dake tsakanin kasashen 2.(Bello Wang)
