Tevez ya ci wa kungiyar kwallon ne, yayin wasan ranar Lahadin karshen kamon jiya, wanda suka buga da kungiyar San Lorenzo, wasan da suka tashi kunnen doki 1 da 1.
Sakamakon wasan dai ya baiwa Boca damar wuce kungiyar San Lorenzo da maki 6 a teburin gasar Superliga ta kasar Argentina, bayan kungiyoyin biyu sun kammala wasanni 14.
Tevez, wanda ya fara taka leda a kungiyar Boca a shekarar 2001, ya kuma buga wasa a kulaflikan Corinthians, da West Ham, da Manchester United, da Manchester City da Juventus, kafin ya komawa Boca dake birnin Buenos Aires a shekarar 2015.
Daga bisa ni kuma, bayan rashin nasara da kungiyar sa ta Shanghai Shenhua ta kasar Sin ta ci karo da ita a karar wasa ta bara, Tevez ya sake komawa Boca a karo na uku.
A sauran wannin da aka buga na gasar Superliga a ranar Lahadi, Gimnasio La Plata ta yi kunnen doki maras ci da kungiyar Arsenal de Sarandi, kana kungiyar Estudiantes ta doke Newell's Old Boys da ci 4 da 2. (Saminu Alhassan)
