in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Dan wasan Real Madrid Vinicius Jr ya tallafawa Flamengo lashe kofin bana
2018-01-25 14:53:20 cri
Dan wasan da Real Madrid ta yi cinikin sa, wanda kuma ke bugawa kungiyar kwallon kafar Flamengo ta Barazil tamaula Vinicius Junior, ya ciwa Flamengo din kwallo daya tilo da ta ba ta nasarar lashe kofin kalubale na Campeonato, bayan da suka tashi wasan karshe da kungiyar Cabofriense a ranar Lahadi da ci 1 da nema.

Dan shekaru 17 da haihuwa, Vinicius Junior wanda ke sanye da riga mai lamba 10 a Flamengo, ya ciwa kungiyar ta sa kwallon da ita ce raba gardamar wasan. Yanzu haka dai ya riga ya ci kwallaye 37 a wasannin da ya bugawa Flamengo, tun fara takawa kungiyar wasa a watan Janairun bana.

Vinicius Junior shi ne dan wasa mafi tsada cikin matasan 'yan wasa da Real Madrid ta saya a watan Mayun bara, inda ta yi cinikinsa kan kudi har Euro miliyan 45.

A baya an shirya komawar sa Madrid a watan Yuli dake tafe, kafin daga bisani Flamengo ta daidaita da Real Madrid, game da amincewa dan wasan ya ci gaba da taka mata leda zuwa shekara mai zuwa.(Saminu Alhassan)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China