in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Sudan ta kudu da Sin sun kulla yarjejeniyar kafa cibiyar sufurin jiragen sama na dala miliyan 248
2018-01-26 10:42:18 cri
Sudan ta kudu da kasar Sin sun rattaba hannu kan yarjejeniyar samar da rancen kudi sama da dalar Amurka miliyan 248.8 don kafa cibiyar tafiyar da harkokin sufurin jiragen sama wato (ATM) a kasar ta gabashin Afrika.

Karkashin yarjejeniyar, gwamnatocin biyu sun cimma matsaya cewa bankin nan Exim na kasar Sin ne zai samar da rancen kudaden gudanar da aikin.

Ministan kudu da tsara tattalin arziki na kasar Sudan ta kudun Stephen Dhieu Dua, ya yabawa gwamnatin kasar Sin bisa irin taimakon da take cigaba da baiwa kasarsa na sake gina kasar wanda yaki ya daidaita.

Ya kara da cewa, suna kuma cigaba da tattaunawa da gwamnatin Sin, da kamfanonin kasar Sin da hukumomin kula da al'amurran kudi na kasar Sin don samar da kudaden gudanar da wasu ayyukan raya kasa a Sudan ta kudun.

Jakadan kasar Sin a Sudan ta kudu He Xiangdong, ya bayyana cewa, da zarar aikin ya kammala, zai baiwa kasar Sudan ta kudu damar samun kudaden shiga a harkokin sufurin jiragen sama, kuma zai taimakawa kasar wajen kiyaye ikon sararin samaniyarta, da kiyaye 'yancin mallakar yankunan kasar.(Ahmad Fagam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China