Hukumar kula da harkokin jin kai ta MDD(OCHA) ta bayyana cewa, kimanin ma'aitakan agaji 95 ne suka gamu da ajalinsu a Sudan ta kudu tun lokacin da rikici ya barke a kasar a watan Disamban shekarar 2013.
Ofishin hukumar ta OCHA ya bayyana cewa, a shekarar 2017 da ta gabata, an samu karuwar rahotanni kisan ma'aikatan agaji mafi yawa, inda aka kashe ma'aikatan agaji 28. MDD dai ta ce irin wadannan kashe-kashe sun hada da na ma'aikatan agaji, ko fashi da makami, kwashe kayayyakin agaji da barazana ko tursasawa, kuma galibi sun faru ne a yankunan Juba, Rubkona da Wau. (Ibrahim)
