in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Mahuntan Sudan ta kudu sun zargi tsohon babban hafsan rundunar sojin kasar da bijirewa gwamnati
2018-01-09 10:00:26 cri
Mahuntan Sudan ta kudu sun zargi tsohon babban hafsan rundunar sojin kasar Paul Malong Awan da bijirewa gwamnati. Da yake tabbatar da hakan yayin wani taron manema labarai, kakakin gwamnatin kasar Ateny Wek Ateny, ya ce tsohon babban hafsan rundunar ta (SPLA) ya umarci magoya bayansa, da su kaddamar da hare hare kan wasu yankunan da gwamnati ke iko da su a sassan kasar daban daban.

Mr. Ateny ya ce sun samu shaidu dake nuna cewa, tsakanin ranekun 26 zuwa 28 ga watan Disambar bara, tsohon janar din ya umarci masu yi masa biyayya da su kai hari kan garuruwan Aweil da Wau. Kaza lika ana zargin sa da kitsa tashin hankalin da ya auku cikin makon jiya a kusa da birnin Juba.

Gwamnatin Sudan ta Kudun dai ta ce ta samu wasu bayanan sirri na murya da aka nada, masu tabbatar da zargin da ake yiwa janar din, inda yake magana da yaren Dinka, ko da yake dai babu wata kafa mai zaman kanta da ta tantance sahihancin wannan sauti na murya. (Saminu Hassan)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China