Sin tana fatan yin hadin gwiwa tare da kasashen Afirka da sauran kasashen duniya wajen yaki da sayen dabbobi da itace ba bisa doka ba
Tun daga ranar 1 ga watan Janairu na bana, an haramta dukkanin wani nau'i na cinikayyar hauren giwaye. Kasashen Afirka sun nuna yabo ga wannan kuduri.
Game da wannan batu, kakakin ma'aikatar harkokin wajen kasar Sin Lu Kang ya bayyana a yau Alhamis cewa, a matsayin kasar da ta sa hannu kan yarjejeniyar da ta jibanci cinikayyar dabbobi da itace ta duniya, kasar Sin na sauke nauyin dake kanta na yarjejeniyar. Kaza lika kasar ta Sin na fatan ci gaba da kokari tare da kasashen Afirka, da sauran kasashen duniya wajen yaki da sayen dabbobi, da itace ba bisa ka'ida ba. (Zainab)
