Kakakin ma'aikatar harkokin wajen kasar Sin Lu Kang ya ce, ziyarar da shugaban kasar Faransa Emmanuel Macron ya kawo kasar Sin ta samu cikakkiyar nasara.

Lu ya bayyana haka ne a yayin taron manema labaru da aka yi yau Alhamis a nan birnin Beijing, inda ya kara da cewa, kasashen Sin da Faransa sun samu sakamako mai kyau a fannonin siyasa, tattalin arziki da cinikayya, al'adu da dai sauransu. Wannan ya nuna kyakkyawar dangantakar dake tsakanin kasashen biyu bisa manyan tsare-tsare a dukkan fannoni, ta kuma aza harsashi mai kyau wajen bunkasa dangantakar dake tsakaninsu a sabon zamani.

Kwanan baya ne, shugaba Emmanuel Macron na kasar Fransa ya kammala ziyarar da ya ke a nan kasar Sin. (Bilkisu)