Kwamishinan lafiya na jihar Borno dake yankin arewa maso gabashin Najeriya mai fama da rikicin Boko Haram, Haruna Mshelia ya bayyana cewa, an yiwa yara a kalla miliyan 1.6 a jihar riga kafin cutar kyanda cikin makonni ukun da suka gabata, baya ga wasu yara kimanin miliyan daya da aka yiwa riga kafin cutar kwalara.

Jami'in wanda ya bayyana hakan jiya Laraba a birnin Maiduguri, fadar mulkin jihar Borno, ya ce an kasa shirin riga kafin ne gida biyu

Kwamishinan ya kara da cewa, a cikin makonni ukun da suka gabata gwamnati ta samar da sama da maganin cutar kwalara 950,000 wadanda aka digawa mutane da nufin dakile yaduwar a jihar.

Gwamnan jihar Borno tare da hadin gwiwar hukumar lafiya ta duniya da sauran abokan huldarta a fannin samar da agaji, sun yi nasarar dakile yaduwar cutar. (Ibrahim)