Hukumar kare muhalli ta MDD za ta kafa cibiyar hadin gwiwar muhalli a tsakanin Sin da Afirka
Jiya Talata, hukumar kare muhalli ta MDD ta fidda rahoton cewa, za ta hada gwiwa da kasashen Sin da Kenya domin kafa cibiyar kula da harkokin muhalli a tsakanin Sin da Afirka, domin karfafa musayar fasahohin kare muhalli tsakanin kasar Sin da kasashen Afirka.
A yau ne, za a kammala babban taron muhalli na MDD karo na 3 da aka shirya a birnin Nairobi, fadar mulkin kasa ta Kenya. An shirya taron ne domin karfafa hadin gwiwar dake tsaknain gwamnatoci, kamfanoni da al'ummomin kasa da kasa a fannin magance matsalolin gurbata muhalli. (Maryam)
