A sakon da ya aikewa shugaba Muhammadu Buhari na Najeriyar, sarkin na Morocco yayi tur da wannan mummunan aiki na bata gari kuma matsorata, wanda ya ci karo da koyarwa addinin Islama kuma ya saba da hakkin dan adam.
Kana ya jaddada cikakken goyon bayansa ga a'lummar Najeriya a wannan yanayi na bakin ciki.
Sarkin ya yi wa shugaba Buhari ta'aziyya da kuma iyalai da dangin wadanda harin ya rutsa da su.
Haka zalika sarkin na Morocco ya yi addu'ar samun sauki cikin hanzari ga wadanda suka samu raunuka, tare da yin fata ga iyalan wadanda suka mutu na hakurin jure rashin da aka samu.(Bello Wang)
