Shugaban kasar Amurka Donald Trump ya sanar a jiya Litinin cewa, an sake shigar da Koriya ta Arewa cikin jerin sunayen kasashen dake goyon bayan ta'addanci, tare kuma da kara mata matsin lamba. Manazarta sun bayyana cewa, kudurin zai iya tsananta sabanin dake tsakanin Amurka da Koriya ta Arewa.

Shugaba Trump ya sanar da wannan kuduri ne a taron majalisar ministocin kasar da aka gudanar a fadar shugaban kasar wato White House a wannan rana, kana ya bayyana cewa, ma'aikatar harkokin kudin kasar Amurka za ta kara daukar matakan kakabawa kasar Koriya ta Arewa takunkumi kan wannan batu. (Zainab)