A yau Juma'a ne wakilin majalisar gudanarwar kasar Sin, kuma ministan tsaron kasar Chang Wanquan, ya gana da kwamandan rundunar sojojin kasar Zimbabwe Constantine Guveya Chiwenga a nan birnin Beijing.

A yayin ganawar tasu, Mr. Chang ya ce, kasarsa na fatan kokari tare da bangaren Zimbabwe, don tabbatar da ra'ayin bai daya da shugabannin kasashen biyu suka cimma a dukkan fannoni, tare kuma da karfafa matsayin hadin kai a fannin aikin soja.

A nasa bangaren Chiwenga ya bayyana cewa, kasar Zimbabwe na mai da hankali kan zumuncin dake tsakanin kasashen biyu da ma rundunonin sojansu, tana kuma fatan ci gaba da kokari tare da Sin, don ciyar da dangantakar dake tsakaninsu gaba. (Bilkisu)