Shugaban kasar Burundi Pierre Nkurunziza, ya kaddamar da sabuwar hanyar mota da za ta hade sassan lardin Makamba da kan iyakar kasar da Tanzania, hanyar da wani kamfanin gina hanyoyi na Sin ya shimfida.

Shugaba Nkurunziza ya kaddamar da hanyar ne a jiya Alhamis, kuma rahotanni sun tabbatar da cewa tsawon ta ya kai kilomita 44.5, za ta kuma hade yankunan al'ummun dake arewa maso gabashin Mugina, da birnin Nyanza Lac mai makwaftaka da Makamba.(Saminu Alhassan)