Babban sakataren jam'iyyar Kwaminis ta kasar Sin Xi Jinping, ya fada a wajen taron wakilan jam'iyyar karo na 19 cewa, tun daga lokacin taron wakilan jam'iyyar karo na 18 har zuwa yanzu, sannu a hankali an tsara wani tunani game da tsarin gurguzu irin na musamman na kasar Sin na sabon zamanin da muke ciki. A cewarsa wannan tunani shi ne babbar manufar da jam'iyyar Kwaminis ta kasar Sin da jama'ar kasar za su bi don neman daga matsayin al'ummar kasar a idanun mutanen duniya, wanda za a nace kansa da kokarin raya shi a ko da yaushe.

Wannan tunani, a cewar Xi Jinping, ya nuna wata fahimta mai zurfi kan ainihin ka'idojin da ake bi yayin da ake gudanar da mulki karkashin jagorancin jam'iyyar Kwaminis, da raya tsarin gurguzu, da raya zaman al'umma, da dai sauransu. Sa'an nan tunanin ya sheda cewa, za a gina wani zaman al'umma mai walwala a kasar Sin zuwa shekarar 2020. Kana a tsakiyar karnin da muke ciki, za a yi kokarin cimma burin raya kasar ta Sin don ta zama wata babbar kasa mai karfi dake bin tsarin gurguzu, wadda ke da cigaban tattalin arziki, da dimokuradiyya, da cigaban fannin al'adu, da daidaituwar al'umma, da kyan muhalli, da kuma fasahohi na zamani.(Bello Wang)