Ma'aikatar kasuwanci ta kasar Sin, ta gudanar da taron manema labaru a yau Alhamis, inda kakakin ma'aikatar Gao Feng, ya ce kasar ta riga ta zama wadda ta fi yawan sayar da kaya ta hanyar amfani da yanar gizo ta Internet a duniya.
Jami'in ya ce, yadda kasar take kokarin yada fasahar yanar gizo ta Internet, da raya harkar jigilar kaya, ta sa cinikayya ta hanyar Internet ta karade birane da kauyuka, inda ake amfani da fasahohin sadarwa na zamani, wajen samar da kayayyaki ga wadanda ke da bukata. (Bello Wang)
