Hukumar zartaswa ta kasar Sin, ta gabatar wa mahukuntan birnin Beijing takardun bayanai, na adadin yawan al'umma da gine gine, wadanda aka tsara kasancewar su a birnin nan da shekarar 2020.

Bayanan dai sun nuna cewa bisa tsarin, mutane miliyan 23 ne za su kasance mazauna birnin nan da shekarar ta 2020, kuma ana fatan wannan adadi ya dore a shekaru masu zuwa.

Kaza lika takardun bayanan sun nuna cewa, an tsara rage filayen gine gine zuwa kimanin sakwaya kilomita 2,860 nan da shekara ta 2020, da kuma sakwaya kilomita 2,760 ya zuwa shekarar 2035.(Saminu Alhassan)