A cewar Shearer, bangarorin kasar da ba sa ga maciji da juna ba sa nuna cikakken saukin kai, yayin da ake neman aiwatar da yarjejeniyar sulhu da aka kulla a shekarar 2015. Haka zalika, ba sa nuna matukar sha'awa ga gudanar da shawarwarin.
Har ila yau, Shearer ya nuna damuwa kan yanayin aikin jin kai a Sudan ta Kudu. A cewarsa, mutane fiye da miliyan 7.6 na bukatar tallafi, wanda rashinsa zai jefa jama'ar kasar da yawa cikin mawuyacin hali.(Bello Wang)