Shugaban gudanarwa na kamfanin Golden Sachs mista Harvey Schwartz ya bayyana a jiya 20 ga wata a nan birnin Beijing cewa, ana samun kyakkyawan yanayin tattalin arzikin duniya tun daga shekarar bana, kuma kasar Sin tana jagorantar manyan kasashen tattalin arziki na duniya wajen samun bunkasuwar tattalin arziki.

Harvey Schwartz ya bayyana a gun taron manema labaru da aka gudanar a wannan rana cewa, kamfaninsa yana nuna kyakkyawan makoma ga tattalin arzikin kasar Sin, kasuwar kasar Sin ta samu matsayi mai muhimmanci bisa tsare-tsaren kamfaninsa.

Mista Schwartz ya nuna yabo ga ci gaban tattalin arziki da kasar Sin ta samu, ya ce, saurin bunkasuwar fasahohin sadarwa na zamani na kasar Sin ya fi ta kasar Amurka, ya kan ji mamaki sosai da ganin ci gaban fasahohin sadarwa na zamani da kasar Sin ta samu lokacin da ya kai ziyara a kasar. (Zainab)