in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
MDD da bakin duniya zasu bullo da sabbin hanyoyin tara kudaden yaki da sauyin yanayi
2017-09-21 10:24:42 cri
Shugaban bankin duniya Jim Yong Kim, yace MDD da bankin duniya zasu yi hadin gwiwa domin bullo da hanyoyin da za'a samar da kudaden da za'a yi amfani da su wajen shirin yaki da sauyin yanayi, ta hanyar amfani da wasu sabbin hanyoyi wadanda zasu tabbatar da canza fasalin zuba jari a kasashe masu tasowa.

Hanyar tattara kudin mai suna Invest4Climate wato zuba jari a sauyin yanayi, zata janyo hankalin masu zuba jari, kuma zata yi tasiri tare da samar da damammaki ga kasashe masu tasowa, musamman wajen samar da gagarumin cigaba na samar da manyan batura masu adana makamashi, da motoci masu amfani da lantarki, da kuma samar da na'urorin sanyaya gida wadanda basa fitar da sinadarai masu gurbata muhalli.

Shirin zai kuma taimaka wajen samar da zuba jari ta hanyar rage fuskantar gamuwa da haddura a sanadiyyar cigaba, daidai da irin bukatar da ake da ita, kuma shirin zai yi aiki tare da gwamnatocin kasashen duniya wajen inganta manufofin kare muhalli.(Ahmad Fagam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China