Jiya Alhamis ne, ma'aikatar kudi ta kasar Amurka ta sanar da sanya takunkumi ga kamfanoni 4 da wasu daidaikun mutane 7, bisa zarginsu da goyon bayan shirin kasar Iran na raya makamai masu linzami da kuma yiwa tsarin sha'anin kudi ta Intanet kutse
Wata sanarwa da ma'aikatar ta fitar ta bayyana cewa, wadanda wannan takunkumi zai shafa sun hada da kamfanoni biyu na kasar Iran, da kamfanonin biyu na kasar Ukraine, da masana na'urar kwanfuta 'yan kasar Iran 7. Shi dai wannan takunkumin,zai haramta musu taba kadarorinsu da ke cikin kasar Amurka, sa'an nan za a hana Amurkawa yin duk wata huldar cinikayya da su.(Kande Gao)
