shugaban kasar Sin mista Xi Jinping ya aike da sakon jaje ga takwaransa na kasar Mexico Enrique Pena Nieto, kan bala'in girgizar kasa mai karfi da ya abkawa kasar.

Cikin sakon da ya aike a jiya Jumma'a, shugaba Xi ya yi juyayin mutuwar mutane sakamakon iftila'in, inda ya jajantawa iyalansu.

Baya ga haka, ya bayyana fatansa na ganin wadanda suka jikkata sun farfado cikin sauri. (Bello Wang)