Rundunar sojojin Najeriya ta bayyana cewa, dakarunta sun yi nasarar kashe wasu kwamandodin Boko Haram biyu, yayin wani hari da suka kaddamar a yankin Alafa dake jihar Borno mai fama da rikici a yankin arewa maso gabashin kasar.

Wata sanarwa da kakakin rundunar sojojin Najeriyar Birgediya janar Sani Usman ya rabawa manema labarai ya bayyana cewa, jagororin kungiyar da aka halaka, mataimakan bangaren Abubakar Shekau ne. (Ibrahim)