Wani jirgin saman koyon tuki mallakar rundunar sojin saman Nijeriya, ya yi hadari a mazaunin kwalejin horas da sojoji ta kasar na din din din dake jihar Kaduna a arewacin kasar.
Hadarin ya auku ne da misalin karfe 4:25 na yammacin jiya Alhamis, inda ya yi sanadin mutuwar matukin jirgin.
Kakakin rundunar sojin saman Air Commodore Olatokunbo Adesanya da ya tabbatar da aukuwar hadarin ga kamfanin dillancin labarai na Xinhua, ya ce matukin ne kadai a cikin jirgin.
Ba a san musababbin hadarin ba, sai dai babban hafsan sojin saman ya ba da umarnin nan take, na kafa kwamitin bincike don tantance sanadin hadarin. (Fa'iza Mustapha)
