Yankin Jiuzhaigou na lardin Sichuan da hukumar UNESCO ta ayyana a matsayin wajen shakatawa, kuma fitaccen wajen yawon bude ido, ya fuskanci girgizar kasa ranar Talata da ta gabata da misalin karfe 9 da minti 19 na dare agogon yankin, al'amarin ya yi sanadin mutuwar mutane 20 yayin da wasu 400 suka jikkata.
A Jinghe dake yankin Bortala na Mongolia a jihar Xinjiang kuwa, mutane 32 ne suka jikkata yayin da gidaje sama da 1,000 suka lalace sanadiyyar girgizar kasa da ta auku da safiyar ranar Laraba. (Fa'iza Mustapha)