A jiya Talata da misalin karfe 9 da minti 20 na dare, bisa agogon Sin, an yi girgizar kasa mai karfin digiri 7.0 bisa ma'aunin Richter a gundumar Jiu-Zhai-Gou a yankin Aba na kabilun Zang da Qiang mai cin gashin kansa a lardin Sichuan dake yammacin kasar Sin. Ya zuwa karfe 10 da minti 58 a daren jiya, mutane 5 da ke garin Zhangzha sun rasa rayukansu, yayin da wasu fiye da 60 suka jikkata, ciki har da wasu mutane 30 da suka ji munanan raunuka. (Tasallah Yuan)