Rahoton kamfanin dillancin labaru na KCNA ya ruwaito a yau Asabar cewa, shugaban kasar Koriya ta Arewa Kim Jong Un, ya sa hannu kan umurnin harbar makamin mai linzami karo na biyu, kana ya je wurin don gane wa idonsa harbin makamin a jiya.
Har ila yau, rahoton ya ce Kim Jong Un, ya bayyana cewa, harbar makamin ya shaida tabbacin tsarin makamai masu linzami da ke da karfin kai wa wata nahiya, baya ga nuna karfin kasar Koriya ta Arewa, na iya harbar makamai masu linzami a ko wane wuri da ko wane lokaci. Lamarin kuma ya nuna cewa, Amurka tana cikin zangon da irin makaman za su isa. (Zainab)
