Kakakin rundunar sojin ruwan Capt. Suleiman Dahun, ya shaidawa kamfanin dillancin labarai na Xinhua jiya a Abuja, fadar mulkin kasar cewa, al'amarin ya auku ne a ranar Alhamis da ta gabata.
Suleiman Dahun ya ce mutane 6 da ake zargi sun hau jirgin, sai dai sun gaza isa inda matuka ke zama da kuma dakin injin jirgin, domin matukan sun kulle ko ina.
Ya kara da cewa, da ganin kwale kwalen sintiri na soji, sai barayin suka tsere ba tare da aiwatar da nufin nasu ba.
Ya ce binciken farko-farko ya bayyana cewa, babu wani matuki da aka sace, haka zalika babu wani abu da aka dauka. (Fa'iza Mustapha)
