Sai dai Shugabancin Jam'iyyar ya ce likitocin nasa dake kasashen waje ne kadai za su iya fadin lokacin da zai koma gida.
Da yake ganawa da manema labarai a jiya, shugaban Jam'iyyar APC na kasa John Odigie-Oyegun, ya ce jam'iyyar na farin cikin sanar da cewa, Shugaba Buhari na samun sauki cikin sauri, inda ya ce suna da yakinin idan ya dawo, babu tantanma za a shiga wani sabon babi na gudanar da ayyuka.
A ranar Laraba da ta gabata ne, Gwamnan jihar Ekiti dake kudu maso yammacin Kasar Ayodele Fayose, ya fara yada jita-jitar cewa shugaban baya cikin hayyacinsa inda rayuwarsa ta dogara kan injina a asibitin da yake jinya a London.
A ranar 7 ga watan Mayu ne shugaban kasar mai shekaru 74 ya tafi asibitin, kusan watanni biyu bayan ya koma gida daga jinya da ya yi a birnin na London. (Fa'iza Mustapha)
