Kwamishinan yankin Mombasa Evans Achoki ya bayyana cewa, yanzu haka an girke jami'an 'yan sanda a sassa daban-daban na birnin don ganin an kawar da duk wata barazanar ayyukan ta'addanci a yankin.
Ya ce, duk da cewa jami'an tsaro sun yi nasarar rage karfin kungiyar ta Al-Shabaab a birnin, amma ya bukaci mazauna yankin, da su rika sanya ido tare da sanar da hukumomi muhimman bayanai.
A karshen mako ne al'ummar musulmi a fadin duniya za su fara Azumin watan Ramadan, kamar yadda aka umarci Annabi Muhammadu a cikin Alkura'ani.(Ibrahim)
