Hukumar kiwon lafiya ta kasar Kenya a jiya Lahadi ta sanar da cewa, an gano mutane 153 da suka kamu da cutar zazzabin dengue wanda sauro ke yada ta, tun bayan bullarta a birnin Mombasa da ke gabashin kasar, sai dai har ya zuwa yanzu, ba a samu hasarar rayuka ba a sakamakon bullar cutar.

Tuni dai hukumomin sassan birnin na Mombasa suka dauki matakai da suka dace, don kara sa ido wajen dakile yaduwar cutar.(Lubabatu)