Babban magatakardan MDD António Guterres ya ba da sanarwa a jiya Talata, inda ya yi Allah wadai da harin da aka kaiwa ayarin motocin dakarun wanzar da zaman lafiya dake jamhuriyar tsakiyar Afirka. Mista Guterres, ya bukaci hukumomin jamhuriyar tsakiyar Afirkar dasu gudanar da bincike kan lamarin ba tare da bata lokaci ba, tare da gurfanar da wadanda aka samu da hannu wajen kaddamar da harin a gaban kuliya.(Bello Wang)