A jiya Talata, babban sakataren MDD Antonio Guterres, ya gabatar da sunan sabon shugaban UNDP, hukumar shirin raya kasa ta MDD wato 'dan kasar Jamus Achim Steiner, kuma ana bukatar da tabbatar da kudurin a gun babban taron MDD.

Kakakin babban sakataren MDD Stéphane Dujarric, ya bayar da sanarwa a gun taron manema labarun da aka gudanar a wannan rana, inda ya bayyana cewa, bayan da Guterres ya yi shawarwari tare da kwamitin gudanarwa na hukumar shirin raya kasa ta MDD, ya riga ya mika wasika ga shugaban babban taron MDD, kuma ya bukaci babban taron MDD da ya zartas da kudurin.

Idan aka zartas da kudurin, Steiner zai maye gurbin Helen Clark da zama sabon shugaban hukumar shirin raya kasa ta MDD, da wa'adinsa ya kai shekaru 4. (Zainab)