Rundunar Sojin Syria ta musunta labarin da ke cewa, wai sojojin gwamnati sun yi amfani da iska mai guba a jihar Idlib dake arewa maso yammacin kasar, da ya kasance karkashin ikon 'yan adawa.

Hukumar kula da hakkin dan Adam ta kasar Syria da cibiyarta ke birnin London na kasar Birtaniya, ta bayyana cewa, an kai harin iska mai gubar ne ta sama, a wani garin dake jihar Idlib a jiya Talata, al'amarin da ya haddasa mutuwar mutane a kalla 58 tare da raunata wasu da dama.

Hukumar dai ba ta bayyana mamallakin jiragen yakin da suka kai harin ba tsakanin sojojin gwamnatin Syria da sojojin Rasha, da kuma na kawancen kasa da kasa da Amurka ke jagoranta dake yaki da kungiyar IS. (Zainab)