Paul Neudigate ya wallafa a shafinsa na Tweeter cewa zuwa yanzu dai, mutum guda ake zargi da kai harin, inda a ke ci gaba da binciken ko akwai wasu dake da hannu ciki.
Da farko, 'yan sanda a Cincinnati sun ce akalla mahara biyu ne suka bude wuta a gidan rawar Cameo da misalin karfe 1 na daren Lahadi agogon GMT.
Jami'in Dan sandan a jiya da safe ya sake wallafawa a shafinsa na tweeter cewa, babu wata alama dake nuna cewa harin na ta'addanci ne, ya na mai cewa har yanzu ba a san manufarsa ba.
Ya kuma shaidawa gidan talabijin na WLWT cewa daruruwan mutane ne a cikin gidan rawar lokacin da al'amarin ya auku.
'Yan sandan dai sun ce, akwai camarorin sa'ido a cikin gidan rawar. (Fa'iza Mustapha)