Ofishin watsa labarai na majalisar gudanarwar kasar Sin ya fitar da wani rahoto game da batun kare hakkin dan Adam na shekara ta 2016 da Amurka ta fitar, inda ya ce, akwai wagegen gibi a fannin kudin shiga tsakanin kananan kabilun kasar Amurka da fararen fata. Rahoton ya kuma ruwaito rahoton da kafar watsa labarai ta New York Daily News ta watsa a ranar 21 ga watan Satumban bara na cewa, bambancin kudin shiga da ake da shi a tsakanin Amurkawa 'yan asalin Afirka da fararen fata ya fi tsanani cikin shekaru kusan 40 da suka wuce. (Tasallah Yuan)