Kwanakin baya ne, kasashe uku dake gabashin Afirka da suka hada da Kenya, da Uganda gami da Rwanda, suka kaddamar da wani aiki ta yanar gizo ta Intanet, game da raya wata kasuwar yawon shakatawa ta bai daya a gabashin Afirka, a kokarin kara jawo hankalin masu sha'awar yawon bude ido zuwa wannan yanki.

Alkaluman kididdiga na nuna cewa, a shekarar 2015, adadin mutanen da suka ziyarci Kenya ya kai miliyan 1.2, kana yawan mutanen da suka je Uganda ya kai miliyan 1.1, yayin da mutanen da suke je yawon shakatawa kasar Rwanda ya kai miliyan 1.3.

A wani labarin kuma, wani rahoton da bankin raya Afirka ya fitar, a shekara ta 2014, ya nuna cewa, sama da mutane miliyan 65 ne suka ziyarci nahiyar Afirka don yawon shakatawa, adadin da ya kai kashi 5.8 bisa dari na jimillar yawan mutanen da suka je yawon shakatawa a fadin duniya.(Murtala Zhang)