A yau Jumma'a ne shugaba Xi Jinping na kasar Sin, ya aike da sako zuwa takwaransa na kasar Pakistan Mamnoon Hussain, yana mai jajantawa dangane da mummunan harin ta'addaci da aka kaddamar a yankin Sehwan na jihar Sindh.
A cikin sakon nasa, shugaba Xi ya ce kasar Sin na adawa da ayyukan ta'addanci ta ko wane salo, tana kuma tir da wannan harin. Ya ce Sin za ta ci gaba da goyon bayan kokarin da Pakistan take yi, wajen yaki da 'yan ta'adda, da kiyaye kwanciyar hankali a kasar, da tabbatar da tsaron lafiyar jama'arta. (Tasallah Yuan)
