Rundunar sojan kasar Pakistan ta ce ta mikawa kasar Afghanistan wata takardar sunayen 'yan ta'adda, wadanda suke boye a Afghanistan, tana mai bukatar gwamnatin Afghanistan din da ta kama su, ta mika su a hannun Pakistan.
A jiya Alhamis ne dai hafsan-hafsoshin sojan kasa na Pakistan Qamar Javed Bajwa, ya fidda wata sanarwar dake cewa, masu adawa da Pakistan wadanda suke samun mafaka a Afghanistan ne suka kitsa jerin hare-haren ta'addanci a Pakistan a 'yan kwanakin baya bayan nan. (Tasallah Yuan)
