Babban sakataren MDD ya yi Allah wadai da harin ta'addancin da aka kai a kasar ta Pakistan
Babban sakataren MDD Antonoio Guterres ya bayar da sanarwa a jiya ta hanyar kakakinsa, inda ya yi Allah wadai da harin ta'addancin da aka kai a kasar ta Pakistan. Sannan ya kalubalanci mahukuntan kasar da su hanzarta kama masu hannu a wannan hari.
Ya kuma jajantawa gwamnatin kasar Pakistan da jama'arta gami da iyalan mutanen da suka mutu a sakamakon harin. Ya ce, MDD tana goyon bayan matakan gwamnatin kasar Pakistan na yaki da ta'addanci bisa tushen girmama ka'idojin kasa da kasa da na hakkin dan Adam. (Zainab)
