Sakataren kula da harkokin labarai na shugaban kasar Rasha Dmitri Peskov ya bayyana a jiya cewa, rahoton da hukumar leken asiri ta kasar Amurka ta bayar, inda take zargin kasar Rasha da tsoma baki cikin babban zaben shugaban kasar Amurka ta intanet ya bata ran kasar Rasha kwarai da gaske, sa'an nan, ya ce, rahoton babu gaskiya cikinsa, jami'ai da hukomomin kasar Rasha ba su taba kai hari ga kasar Amurka ta intanet ba.

A ranar 6 ga wata ne, hukumar leken asiri ta kasar Amurka ta fidda wani rahoto, inda ta bayyana cewa, kasar Rasha ta sa hannu cikin babban zaben shugaban kasar ta hanyar kai yin kutse ta intanet, domin rage amincewar al'ummomin kasar kan tsarin dimokuradiyyar kasa, da kuma kawo wa yar takarar jam'iyyar dimokuradiyya Hillary Clinton matsala.

Amma, a wannan rana, Donald Trump ya sanar da cewa, ba a sami matsala kan sakamakon babban zaben shugaban kasar ba. (Maryam)