Ministan kudi da kula da tattalin arziki na kasar, Rosine Coulibaly da Manajan Bankin Duniya da ke kasar ne suka rattaba hannu kan yarjejeniyar a ranar Laraba a Ouagadougou.
A cewar sanarwar da ma'aikatar harkokin kudin kasar ta fitar, ana sa ran kudin da ya kunshi rancen dala miliyan hamsin da biyar da tallafin dala miliyan arba'in da biyar, zai taimakawa kasar wajen bunkasa bangarorinta na lantarki da hada-hadar kudi.,
Ministan Lantarki da ma'adanai na kasar Alpha Omar Dissa, ya ce tallafin ya zo a lokacin da ya dace, a daidai lokacin da gwamnati ta dauki batun bunkasa lantarki da baza komar tattalin arziki a matsayin muhimman batutuwa.
Har ila yau, Sanarwar ta ruwaito cewa, za a sanya wani bangare na kudin wajen kara bunkasa samar da lantarki, ta hanyar samar da tashar lanatarki mai amfani da hasken rana, mai mega watt talatin.(Fa'iza)
