Jiya Laraba, ministan harkokin wajen kasar Faransa Jean-Marc Ayrault ya sake jaddada manufar "kasar Sin daya tak a duniya" yayin da yake tsokaci kan kalaman da shugaban kasar Amurka mai jiran gado Donald Trump ya yi kan batun yankin Taiwan na kasar Sin.

A yau kuma, kakakin ma'aikatar harkokin wajen kasar Sin Geng Shuang ya yaba wa Mr. Ayrault dangane da goyon bayan manufar "kasar Sin daya tak a duniya".

Ban da wannan kuma, manyan jami'an kasashen Jamus da Australia da dai sauransu sun bayyana aniyarsu ta kare manufar "kasar Sin daya tak a duniya". Dangane da wannan lamari, Geng Shuang ya bayyana cewa, tabbatar da manufar "kasar Sin daya tak a duniya" shi ne muhimmin tushen raya dangantarkar abokantaka a tsakanin kasar Sin da sauran kasashen duniya. (Maryam)